Тарбияланувчилар учун маҳорат сабоқлари 18.01.2022 09:30Бугун, 18 январь куни Ўзбекистон Республикаси Миллий гвардияси Тошкент шаҳар Қўриқлаш бошқармаси ҳамда Камондан отиш федерацияси шаҳар бўлими билан ҳамкорликда 22-сонли Меҳрибонлик уйи тарбияланувчилари учун спортнинг камондан отиш тури бўйича машғулотлар ташкил этилди.
Мазкур спорт турига қизиқувчи йигит-қизларга мураббийлар томонидан камон ва унинг турлари, мўлжалга олишда ёйни йўналтириш усуллари ва диққатни жамлаш бу-ғалабанинг асосий воситаси эканлиги тушунтирилди.
Бу каби тадбирлардан кўзланган асосий мақсад ёшларни нуфузли мусобақаларда иштирок этишлари учун муносиб шароитлар яратишдир.
