Камондан отиш спорт турида Италия тарихига кирган спортчини биласизми? 09.06.2020 12:45Камондан отиш спорт турида Италия тарихига кирган спортчини биласизми?
Италиялик Марко Гаглиаззо камондан отиш бўйича спортчи. 1983 йил 7 майда Падова Винецияда таваллуд топган. Икки карра олимпия ўйинлари ғолиби. (2004-2012) 2008 йилги олимпия ўйинларида эса кумуш медалини қўлга киритган. Марко 1996 йилдан буён камондан отиш спорт тури билан мунтазам шуғулланиб келган. Ёшлигидан тиришқоқ бўлиб, дўстлари орасида ажралиб турган. Бир қатор мусобақаларда ғолиб ва совриндорлар қаторидан жой олиб келган. Марко 2003 йилда Жаҳон чемпионатида қатнашиб фаҳрли 3- ўринни қўлга киритган. Ушбу натижадан сўнг Марко билан мураббийлари жиддий шуғуллана бошладилар. Ва ниҳоят 2004 йилда Афинада (Греция) бўлиб ўтган олимпия ўйинларида ишончли қатнашиб, финалга йўл олди, финалда уни тажрибали япониялик Хирошо Ямамотога имконият қолдирмади. У ғалабага эришди. Италия тарихида илк бор олимпия ўйинлари ғолибига айланди. Марко бу ғалабадан кейин 2008 йилда Хитойда бўлиб ўтган олимпия ўйинларида ҳам финалгача етиб борди. 2012 йилда Лондонда бўлиб ўтган олимпия ўйинларида ғолибликни қўлга киритиб, Марко Италия тарихига кирди. Марко Гаглиаззо хозирда хам камондан отиш спорт тури билан шуғулланиб келмоқда. Бир қатор шогирдларни тарбиялашда давом этиб келяпти. Мамлакатимизда ҳам шундай спортчилар етишиб чиқиб, юртимиз байроғини кўкларга кўтаришига умид қилиб қоламиз.
