"Алпомиш ва Барчиной" халқаро турнири олдидан матбуот анжумани 22.08.2022 16:40Бугун пойтахтимиздаги Олимпия захиралар коллежида спортнинг Камондан отиш тури бўйича профессионал спортчилар ўртасидаги "Алпомиш ва Барчиной" номли халқаро турнири муносабати билан ОАВ вакиллари ҳамда халқаро экспертлар иштирокида матбуот анжумани бўлиб ўтди.
Маълумот ўрнида айтиб ўтишимиз жоизки, мазкур мусобақада 6 та давлатдан 100 дан ортиқ спортчилар иштирок этмоқда.
Тадбир давомида Халқаро турнир ҳақида Ўзбекистон Камондан отиш федерацияси раҳбарияти ва терма жамоа мураббийлари томонидан батафсил маълумотлар берилди. Шу билан бир қаторда, журналистлар ўзларининг қизиқтирган саволларига атрофлича жавоб олишди.
📌Эслатиб ўтамиз, олдин хабар берганимиздек, мазкур Халқаро турнир жорий йилнинг 26 август кунига қадар давом этади.
